Emprego Xunta Cita Previa
Para pedir cita previa na túa oficina de emprego primeiro deberás comprobar cal é a túa oficina de emprego. Para facelo deberás ir á páxina web do servizo de emprego da túa comunidade autónoma, no caso de galicia a emprego.xunta.gal.
Ao entrar nesta web, deberás buscar o apartado que pon “Solicita cita previa para a túa oficina de emprego”.
Pedir cita na oficina de emprego
Cando entres no apartado de “Solicita cita previa para a túa oficina de emprego” da páxina emprego.xunta.gal deberás introducir o teu código postal. Ao facelo, aparecerá o nome da túa oficina de emprego correspondente. Tamén poderás ver a súa ubicación, correo electrónico e número de teléfono gratuito. Clica en “pedir cita” para comezar a túa solicitude.
Cita para a demanda de emprego
Despois de clicar en “pedir cita” deberás seleccionar a túa oficina e o trámite que queres facer. Poderás seleccionar:
- Orientación e asesoramento/Datos protexidos
- Contratos
- Ofertas de emprego/cursos de formación
- Acreditación de búsqueda activa de emprego (BAE)
- Inscripción, actualización/modificación da demanda, informes
Para inscribirte por primeira vez como demandante de emprego deberás seleccionar “Inscripción, actualización/modificación da demanda, informes”. Tamén deberás seleccionala para darte de alta tras unha tempada de traballo ou para modificar a túa experiencia laboral ou estudos.
Despois de seleccionar o trámite, deberás buscar un día que a oficina de emprego teña ocos e seleccionar a hora que prefiras.
Por último, deberás completar a túa información persoal. Unha vez teñas a túa cita, terás que acudir á túa oficina de emprego o día e hora seleccionados.
@emprego.equipohumano PEDIR CITA NA OFICINA DE EMPREGO · Programa Integrado de emprego da Fundación Equipo Humano. Financiado pola Xunta de Galicia e o Servizo Público de Emprego Estatal. #RRHH #trabajo #entrevistadora #aprendeentiktok #buscandoempleo #galitok #galego #galegosnotiktok
♬ sonido original - Programa Integrado de Emprego
Axudámoste a buscar emprego
No Programa Integrado de Emprego de Galicia da Fundación Equipo Humano ofrecemos formación, orientación, itermediación e PRÁCTICAS en empresas, COMPLETAMENTE DE BALDE para que mellores as túas competencias e ATOPES ese TRABALLO que buscas.
Se es muller, residente da Coruña, menor de 30 anos e non tes titulacións superiores (F.P ou Universitarios) ESTA É A TÚA OPORTUNIDADE para dar o salto ao mundo laboral.
Financiado pola Xunta de Galicia e o Servizo Público de Emprego Estatal.
