Unha vez tes o teu perfil profesional ben definido, toca comezar a búsqueda en si. Para facelo imos ver a documentación que precisarás para buscar emprego, onde buscar o emprego e como preparar a túa candidatura.
Que preciso para conseguir emprego?
Agora que definiches a túa candidatura, chega o momento de comezar coa “papelada”. Que cousas necesito para conseguir un traballo? Nós recomendámosche estas:
- Currículo. Será, na maioría dos casos, a primeira impresión que unha empresa terá da túa candidatura. É un documento no que deberás presentar o teu perfil profesional deixando ver a túa experiencia, estudos, habilidades e fortalezas. Non tes experiencia? Resalta todas aquelas cousas que fixeches na túa vida que axuden a demostrar que sabes facer o que dis que fas. Aínda que fixeses traballos ou prácticas non remuneradas, todo isto conta como experiencia laboral, non deixes que che gañe a síndrome do impostor.
- LinkedIn. Ter un perfil de LinkedIn completo e activo pode axudarche creando unha rede de contactos que coñezan a túa candidatura. Ademais, se mandas un currículo a unha empresa e búscanche na plataforma, atopar un perfil activo demostraralles que che tomas en serio a túa profesión e o que fas.
- Carta de presentación. É un documento que presenta de forma máis “literaria” a túa candidatura profesional. É importante ter preparada unha carta de presentación modelo que ir adaptando ás diferentes empresas ás que presentes a túa candidatura. Nesta carta deberás presentar o teu perfil profesional, resaltar as túas habilidades, a túa proposta de valor, definir en que podes axudar na empresa e comentar por que che gustaría traballar nesa empresa especificamente.
- Portfolio. Se a túa carreira é máis práctica, deberás ter un portfolio que ensine os traballos e proxectos nos que participaches.
Onde buscar traballo?
Unha vez tes todo o necesario para comezar a presentarche a ofertas de emprego, necesitarás saber onde buscar estas propias ofertas. Para iso, temos un artigo específico no noso blog sobre páxinas para buscar emprego.
Ademais, sempre poderás buscar directamente empresas do teu sector e mandar emails ou ir fisicamente a presentar a túa candidatura e o teu currículo. Un bo sitio para atopar ofertas de traballo son as feiras de emprego, tanto presenciais como en liña.
Preparar a túa candidatura
Agora chega o momento de presentar a túa candidatura a unha oferta de emprego, así que deberás preparar todo o material anteriormente mencionado e adecualo ao posto e empresa á que estás a aplicar. Unha vez envíes a túa candidatura, podes esperar unha semana para enviar un email preguntando polo seu estado e mostrando interese no posto de traballo.
Dentro do Programa Integrado de Emprego da Fundación Equipo Humano ofrecemos orientación e intermediación laboral gratuitas. Revisa se cumpres os requisitos e inscríbete na nosa web.
Axudámoste a buscar emprego
No Programa Integrado de Emprego de Galicia da Fundación Equipo Humano ofrecemos formación, orientación, itermediación e PRÁCTICAS en empresas, COMPLETAMENTE DE BALDE para que mellores as túas competencias e ATOPES ese TRABALLO que buscas.
Se es muller, residente da Coruña, menor de 30 anos e non tes titulacións superiores (F.P ou Universitarios) ESTA É A TÚA OPORTUNIDADE para dar o salto ao mundo laboral.
Financiado pola Xunta de Galicia e o Servizo Público de Emprego Estatal.
