Que preguntan nunha entrevista de traballo?

Levar as seguintes preguntas de entrevista preparadas asegurará que poidas dar respostas rápidas, claras e concisas e reducirá o risco de que se te olvide dicir algo importante. Estas preguntas son:

• Fálame de ti. Nesta pregunta deberás presentar a túa candidatura profesional, sempre axeitada ao posto de traballo ao que aplicas e destacando as túas fortalezas e habilidades.
• Que sabes sobre a nosa empresa? Con esta pregunta buscan varias cousas, a primeira é ver canto teñen que explicar eles para que comprendas a empresa e o que precisan, pero tamén queren saber cal é a túa implicación co proceso de selección. Saber sobre que vai a empresa e dar unha boa explicación do que fan e como o fan engadirá puntos á túa candidatura.
• Por que debemos contratarte a ti e non a outro candidato? Nesta pregunta non buscan que tires por terra o traballo do resto de candidatos, pero si que busques as facetas do teu perfil que mellor se adecúen ao posto e as expliques. Deberás dicir que problemas poderás solucionar na empresa e que vas a aportar ao equipo de traballo.
• Dime tres dos teus defectos. Con esta pregunta buscan saber o nivel de autocoñecemento que tes sobre a túa candidatura. Deberás dar tres defectos sinceros pero engadir que é o que fas para intentar solventalos todos os días.
• Que buscas neste traballo? Os entrevistadores e entrevistadoras buscan ver que as túas intencións están alineadas co perfil que están a buscar. Ao mellor queren a alguén que busque crecer profesionalmente dentro da empresa, ou poden querer a un traballador temporal que solucione algún problema específico.
• Cal sería o teu entorno de traballo ideal? Queren asegurarse de que a súa forma de traballo está en liña coa súa. Por exemplo, se son unha empresa tradicional que bsuca que a xente estea na oficina todo o tempo, queren saber que non os abandonarás en canto che saia un emprego de teletraballo.
• Traballas mellor só ou en equipo? Moitas empresas valoran o traballo en equipo e colaborativo, cando outras prefiren un traballo individual. O que queren é saber que estarás cómoda no teu posto e encaixarás no seu equipo de traballo.
• Cal é o maior reto ao que te enfrentaches? Pode ser calquera tipo de reto, profesional ou persoal, pero sempre debe estar aliñado cunha cualidade que queras transmitir. Deberás explicar por que é un reto para ti e que solución aportaches.
• Cal é o teu soldo ideal? Esta pregunta parece sinxela, pero non o é. Queren saber cales son as túas expectativas salariais e se poden competir con elas. Da sempre un rango salarial no que moverte.
• Tes algunha pregunta? Esta soe ser a última, neste momento o entrevistador da un espazo para que poidas preguntar todas as dúbidas que teñas sobre o emprego e o proceso de selección.

Prepara todas estas preguntas e vai tranquila á entrevista. Moita sorte.